Nisvanis 15th anniversary

• Хамтлагийн гишүүд болох Л. Энх-Амгалан, Д. Дарханбат, Б. Цацрал нар анх Хөгжмийн Багшын коллежид суралцаж байхдаа 1993 онд "Өчигдөр ба Өнөөдөр" хамтлагийг байгуулж, тэр үедээ pop rock урсгалаар тоглож байсан. 1995 оны 10 сард модернист яруу найрагч Б. Галсансүхтэй / хамтлагийн анхны менежер/ хамтлагийнхан танилцаж тэрээр хамтлагийнханд санал тавьснаар хамтлагийн нэр, стиль болон зарим гишүүдэд өөрчлөлт хийж NISVANIS хамтлаг бүрдсэн.
• 1996 он NISVANIS хамтлаг нь NISVANIS нэрээрээ 1996 оны 4 сарын 9 нд уран бүтээлээ Grunge Rock урсгалаар туурвиж эхэлсэн. 1996 ондоо “Гэрэлт ирээдүй намайг дуудана”,“Эсрэг утгаар нь”,“Хүчилтөрөгч”, “Би тамхиа татаад дуусаж байна”, “Үл таних охин”, “Хар дарсан зүүд” мөн дуучин Т. Ариунаад “Утасны дугаар” дууг өгч энэ 7 дууг анх бичүүлж байсан.1996 оны 11сарын 22,23 нд Соёлын Төв Өргөөнд анхны бие даасан тоглолт болох “Сонсохыг Хориглоно” тоглолтоо хийсэн. /ойролцоогоор 100-аад хүн тоглолтыг үзсэн/1996 оны 11сарын 27нд Эрдэнэт хотод “Сонсохыг Хориглоно” тоглолтоо хийж байхад тоглолтын үеэр таван билет зарагдаж байсан. 1996 оны “Pentatonic” наадмаас “Шилдэг дебют хамтлаг” шагнал авсан.
• 1997оны 11 сарын 5,6 нд Соёлын Төв Өргөөнд “Сонсохыг Хориглоно-2 ” тоглолтоо хийсэн.
• 1999 онд Анхны “Хүчилтөрөгч” цомгоо 18 дуутайгаар гаргасан. Цомгийг Stella Artois ивээн тэтгэж, FM102,5-ын дэргэдэх Ямаха дижитал студид цомгоо бичүүлэн, Сингапурт хэвлүүлж байсан.
• “Эмийн сан руу алхсан нь” дуундаа St.studio- ээр клип хийлгэсэн. “Эмийн сан руу алхсан нь” дуу нь хамтлагт маш их нэр хүндийг авч ирж, Nisvanis -ийн нэрийн хуудас дуу болсон. 1999 оны 10 сард “Top Ten” клубд “Харанхуй цээжний цонх” тоглолтоо хийсэн.
• 2000 он “Unplugged” тоглолтоо “ Top Ten” клубд хийсэн.
• 2001 он “Алтан микрафон 2001” шагнал гардуулах ёслолоос “ Стилдээ үнэнч” шагналыг авсан. 2001 оны 4 сарын 9 нд “Money Train” клубд 5 жилийн ойн баяраа хийсэн
• 2002 он Хоёр дахь цомог болох “Саарал үе” цомгоо 14 дуутайгаар гарган, Дэлхийн банк ивээн тэтгэж, Бумбара  студи дээр бичүүлж, Сингапурт хэвлүүлсэн. 2002 оны 7 сарын 13 нд “Саарал үе” цомгийн өдөрлөг “ X- Nation” клубд хийсэн. “Саарал үе” цомгийн тоглолтыг “Juliana” клубд хийж байсан.
• “Саарал үе” цомгийн “ Хүчтэй дурлал” дуундаа St.studio- ээр клип хийлгэсэн. Мөн цоо шинэ дуу болох “Өнгөрсөн шөнө” дуундаа Шар нохой студээр клип хийлгэсэн.
• 2003 оны 4 сарын 9 нд “Hard Rock” клубд 7 жилийн ойн баяраа хийсэн. “Pentatonic 2002” наадмаас “Тэсрэлт” дуугаараа “ Шилдэг Рок Дуу” шагнал авсан. “Саарал үе” цомогт багтсан “Тэсрэлт”, “ Хүчтэй дурлал”, “Эсрэг утгаар нь” “Хэзээ нэгэн цагт бид нисэж магадгүй” дуунууддаа St.studio –ээр клип хийлгэсэн.
• 2004 оны 4 сарын 9 нд “Muse” клубд 8 жилийн ойн баяраа хийсэн. “Саарал үе” цомогт багтсан “Үсчний газар” дуундаа St.studio- ээр клип хийлгэсэн.
• 2005 оны 4 сарын 9 нд “Баян Зүрх” паласд 9 жилийн ойн баяраа хийсэн. Анхны “Хүчилтөрөгч” цомгоо дахин хэвлэж худалдаанд гаргасан. Hi-Fi records-ийн 10 жилийн ойн баярт зориулсан шагнал гардуулах ёслолоос “Хүчилтөрөгч” цомог нь Монголын анхны альтернатив цомог “ Алтан пянз” шагнал авсан.
• 2006 он Гурав дахь цомог болох “Нисдэг таваг” цомгоо 18 дуутай гаргасан. Энэхүү цомог нь Double цомог бөгөөд Audio CD& DVD багтсан. Даашка ахын студи болох  Nature Sound студи дээр бичүүлж, Monstudnet.mn-ийн захирал Сансар ивээн тэтгэсэн.  “Нисдэг таваг” цомгонд багтсан “Улаан хэрүүлч” дуугаараа “Pentatonic 2005” наадмаас “Шилдэг алтернатив дуу”шагналыг авсан. 2006 оны 4 сарын 9 нд “10 жил”-ийн ойн баяраа “Баян Зүрх” паласд нижгэр тэмдэглэн өнгөрүүлсэн.
• 2007 он “Нисдэг таваг” цомогт багтсан “Аз жаргалтай төгсдөг” дуундаа клип, 2007 оны 4 сарын 9 нд 11 жилийн ойн баяраа “Max” клүбд Unplugged тоглолт хийсэн. “Pentatonic 2006” наадмаас “Нисдэг таваг” цомгоороо “Шилдэг цомог” шагналыг авсан. Энэ нь “Pentatonic” наадмын түүхэнд анх удаа рок хамтлаг энэхүү шагналыг авсан юмаа. 2007 оны 11 сарын 16 нд UB Palace-ийн Royal танхимд 19 цагаас “Нисдэг Таваг” тоглолтоо хийсэн. Тоглолтон дээр “Нисдэг таваг” цомогын бүх дуугаа мөн хуучны хит дуунуудаасаа тоглосон. 2007 оны 12 сарын 01 нд UB Palace Royal танхимд болсон “Playtime 2007” Рок хөгжмийн наадамд хамтлаг шинэ бөмбөрчинтэй оролцсон. Бөмбөрчнөөр хуучин The Lemons хамтлагт байсан Анар тоглож байгаа.
• 2008 оны 04 сарын 09 нд 12 жилийн ойгоо Chicago Club –д нижгэр тэмдэглэн өнгөрүүлсэн. Тоглолтонд хамтлаг дуучид мэндчилгээ дэвшүүлэн тоглохоос гадна Nisvanis хамтлаг маань өөрсдийн хит дуунуудаасаа тоглож, ирсэн үзэгчидийг доргиосон.  

Slava